منو
آباد اولسون گؤروم، یارب
آباد اولسون گؤروم، یارب،
کۆنجی-مئیخانه، مئیخانه!
کیم، یئتیش‌دی اوندا دردیم
یاخشی درمانه، درمانه.
شۆکر اولسون، ایزدی-مننان
ائیله‌دی دردیمه درمان،
غرق ائیله‌دی پیری-موغان،
منی احسانه، احسانه.
دورما، ساقی، آمان هئی-هئی!
دور گتیر وئر جامی-مئی، مئی،
گئنه ایشیم دۆش‌دو ائی، ائی،
شاهی-مردانه، مردانه!
آتی دۆلدول، قولو قنبر،
زوجی-زهرا، بابی-شببر،
گؤزل آدی وئریب زیور
چرخی-گردانه، گردانه.
نباتی، نه چنگ اولموسان؟
یوخ‌سا مستی-بنگ اولموسان؟
نیه گئنه دنگ اولموسان؟
دور ائی، دیوانه، دیوانه!