گئنه فلکلر اۆنوشدو

گئنه فلکلر اۆنوشدو
قوربان-قوربان صداسین‌دان.
معطّل قالمیشام، بیللاه،
عاشقلرین اداسین‌دان.

موجه گلدی گؤزوم یاشی،
آلیشدی باغریمین باشی،
سس گؤتوروب داغی-داشی
بو مجنونون نواسین‌دان.

گئتدی گؤزومون قاراسی،
گئتمز سریم‌دن هاواسی،
ائله بیل ترلان بالاسی
جدا دۆشوب یوواسین‌دان.

کسیلدی کؤنلومون زاری،
تۆکندی صبرو قراری،
بیر یول اؤلدور قورتار باری،
بو هجرانین بلاسین‌دان.

گلدی نباتی دیوانه،
کنار دورون، قاچین یانه،
باخماز او، خانو سلطانه،
حذر قؽلین خطاسین‌دان.