جامالین آچما!

اجازه وئر باخیم، ای گول، او قاره گؤزلرینه
وورولمیشام، نه ائدیم، آشکاره گؤزلرینه!
غم ائتمه رم منی یوز دفعه گونده اؤلدوره سن
باخاندا بیرده دیرللم، دوباره، گوزلرینه
جمالین آچما، گولوم، قورخورام گؤروب اوزونو
گون اولسون حُسنونه عاشیق، ستاره گؤزلرینه
اولایدی قسمت، اؤپه یدیم او نازک اللرینی
اوره کدن ائیله میشم استخاره گؤزلرینه
کمندِ آه ایله صیادلر دالینجا دوشر
بو ناز ایله ا گر ائتسه ن اشاره گؤزلرینه
گؤزوم گؤتورمه ییر، اغیارلر باخاندا سنه
بیر آیری گؤزله ائدیرلر نظاره گؤزلرینه
شکسته واحده اولماز طبیب لردن علاج
قالوبدر ایندی سنین بیرجه چاره گؤزلرینه!