منو
گونده مین گؤزل یارادیر
اؤیونمه چوخ، گؤزلیم، چوخ دا گؤزلرین قارادیر
طبیعتین ایشیدیر، گونده مین گؤزل یارادیر
بو جانی ایسته، ویریم، اؤزگه بیر شئییم یوخدور
من عاشیقم، نه ییم اولسا، منیمکی آشکارادیر
سنی گؤرن کیمی عالم منه بهشته دؤنور
او گون کی، گول اوزونو گؤرمه سه م، گونوم قارادیر
رقیبه وئرمه نشان، یاخشی ساخلا قوینوندا
منیم ده عشقیم او بیر جوت ده ریلمه مش نارادیر
دیسه م قیلینج قاشینا، قورخورام که حرصلنه سن(١)
سوزون دوزو، نه بیلیم، بلکه ا گری آی پارادیر؟!
او یئرده که، ده لی کؤنلوم سنی گزیب سوروشور
اؤزوم ده بیلمه ییرم چوخ زامان، او یئر هارادیر؟
رقیب طعنه سی، واحد، منه توخوندو اوگون
سیزیلدایراورگیم، سانکی اوخ ده‌ییب یارادیر
١مصرع بو شکلیده ده قئید اولموشدور:
دیسه م قیلینج قاشینا، قورخورام دیلیم کسیله.