صیادگؤزلر

اولموشام بیر بی مروت یار الیندن دلفکار
ائیلرم جؤر و جفاسیندان او شوخون آه و زار
شک سیز، عالم اولور رؤشن، ا گر ظلمت ایسه
ابرِ زولفون ائیله سه اول ماه اوزوندن گر کنار
عاشیقِ دلخسته یه وئرمز ذکاتِ حُسنونو
سایله، بو رسمیدیر کیم، لطف قیلسین تاجدار
ای کؤنول، صبر ائت خزانِ هیجره عادتدیر بوکیم
چرخ، اوّلدن یازیبدیر هر خزانه بیر باهار
دلبرا، پستان می دیر، سینه نده اول لیمو نه دیر
یا کی سروه یئل دگیب، گولشنده تیترر ایکی نار؟
دامِ زولفون، دانه خالیندیر، مگر رویون چمن
گؤزلرین صیادتک دل مُرغونو ائیلیب شیکار
واحدا، یاز بو سؤزو گر یوخدو، غئیر مومکونون
تا حضورِ واقف(١) اوستادا ائیله بیر گذار

١شاعیر میرزا ابوالحسن واقف.