همایِ کرم!

ائتمم گؤزه لیم، کیمسه یه بیر شکوه غمیندن
یانسام دا، یاخیلسام دا توکنمه ز ستمیندن
دنیاده ساناردیم ابدی عؤمرومو خوشبخت
اؤپسه یدیم ا گر بیرده مبارک قدمیندن
دؤنسون منه بیر ظلمته چرخین یئنی آیی
توُتسام ا گر آرتیق اونو ابرویِ خمیندن
بو فخر یئترکیم منه، افتادهٔ عشقم
سال باشیما بیر سایه همایِ کرمیندن
زاهید! رُخ جانانیما بیر یول نظر ائیله
وصف ائتمه منه بیر داها باغِ ارمیندن
معتاد غم عشقینم، اؤللم بیلیر عالم
بیر لحظه ا گر آیریلا کؤنلوم المیندن
گول چکدی خجالت، اوزونو گؤردو، قیزاردی
لب بسته لیگی غنچه لر اؤیرندی فمیندن(١)
واحد! بو قدر ساده غزللر کی، یازیرسان!
بیر گون گله جک، اود یاغاجاقدر قلمیندن

١فمیندن = فنیندن