مردانه لیگمدن!

ائل دوشدو بوتون حئیرته دیوانه لیگمدن
سیرّین دئمدیم بیر کسه مردانه لیگمدن
خاکستر عشقم، منه تحقیرایله باخما
مین گنج چخار ظاهیره ویرانه لیگمدن
مجنون کیمی من بارگهِ عشقی دولاندیم(١)
گئچدیم بو تمنا ایله، شاهانه لیگمدن
مخمور گؤزون فکری ایله باده چوخ ایچدیم
هر بیر کیمسه ضرر گؤرمه دی مستانه لیگمدن
هر ماه روخون شمع کیمی عشقینه یاندیم
بیر لحظه خبر توتمادی پروانه لیگمدن
دیوانه ٔ عشق اولماغا هر کیم هوس ائتسه
اوّل جه گرک درس آلا رندانه لیگمدن
واحد، من او خاکم، ئینه میخانه ده بیر گون
بیر ذؤق یئتر عالمه پیمانه لیگمدن

١مصرع بو شکلیده ده قئید اولموشدور:
مجنون کیمی من بارگهِ عشقی به یه ندیم.