دلی جئیران

گؤزلیم عاشیقینی سالما نظردن
حسرتیندن اؤلورم گل بیزه هردن
سنه چوخدان وورولوب بو دلی کؤنلوم
نئیله‌ییم کی خبرین یوخدو خبردن

گل منه ناز ائله‌مه آی دلی جئیران
او قارا گؤزلرینه اولموشام حئیران

 بیر دؤنوب باخماق ایله جانیمی آلدین
منی مجنون ائله‌ییب چوللره سالدین
من ایناندیم سنه اؤز کؤنلومو وئردیم
منی آتیب گئدیب اغیار ایله قالدین

گل منه ناز ائله‌مه آی دلی جئیران
او قارا گؤزلرینه اولموشام حئیران

سن گزیرسن گؤزلیم غئیرایله منسیز
یوخو گئتمز گؤزومه بیر گئجه سنسیز
اؤزون بیر یاخشی دۆشون ، سئوگیلی دیلبر
هانسی بولبول یاشایار باغ و چمنسیز ؟؟

گل منه ناز ائله‌مه آی دلی جئیران
او قارا گؤزلرینه اولموشام حئیران