منو
اهلِ حالین عاشیقی!
اولموشام، ای گول، حُسنِ جمالین عاشیقی
بولبول آسا اول لبِ غنچه میثالین عاشیقی
مسجید و محرابه باش اه یمز، یقینیم دیر، ا گر
اولسا زاهید طاقِ ابرویِ هیلالین عاشیقی
نئیلر اول کس سونبول و گولزار و سبز و دانه نی
اولسا گر روخسار و زولف وخط و خالین عاشیقی
گون دوشوب هر گون آیاغین آلتینا ائیلر سجود
سایهٔ قدینله اولموش پایمالین عاشیقی
ماهِ نو یئتمز تمامه گؤرمه یینجه گون اوزون
کسبِ نور ایستر، اولوب روخسارِ آلین عاشیقی
نولا، گر هیجرینده اولسا کؤنلوموز درده دوچار
آه و زار ائیلر، اولوب بزمِ وصالین عاشیقی
واحده عیب ائتمه یین، درویشه اولسا آشنا
اهلِ حال اولسون گره کدیر اهلِ حالین عاشیقی