جمالین پروانه سی!

آتشِ هیجرین ائدیبدیر منی دیوانه کیمی
اولموشام شمعِ جمالین ایله پروانه کیمی
مرغِ دل بند اولوب، ای دلبرِ عشاق حزین
گؤرجه گین حالینی روخسارین آرا دانه کیمی
تؤ کولوب گول اوزونه طرهٔ طراره لرین
رشتهٔ دل اونا بند اولمادادیر شانه کیمی
عاشیقِ زارینا رحم ائیله مه سن، تانری بیلیر
باش گؤتوررم، گئده رم سمتِ بیابانه کیمی
دلبرا، واردی رقیب ایله سنین مرحمتین
سورگیلان حالیمی بیر دفعه ده بیگانه کیمی
دولانیب کعبهٔ کویوندا نیگارین دایم
سینه می ائیله یرم آه ایله ویرانه کیمی
عشقدن دم ووران عاشیق کئچر اؤز جانیندان
نئجه واحد وئریب اؤز جانینی مردانه کیمی