نالهٔ شور!

آپاریر آیا فلک مهرِ جمالیندان نور
بد نظرلر نظریندن ائله سین حق سنی دور!
خط گلیب عارضِ جانانی توتوب سرتاسر
ساناسان، مولکِ سلیمانی توتوب لشکرِ مور
کفرِ زولفون گؤروب، ایمانا گلیر کافیرلر
چاهِ ظلمتدنن او خورشیدلقا قیلسا ظهور
یئتیر ای ماهِ تمامیم، سنه نقصان، حذر ائت
اولما، گل قلبی قارا کسلره هر بزمده جور!
تارِ گیسولارینی تؤ کدو نیگاریم اوزونه
کؤنلومون تئللری ترپندی نئجه نالهٔ ((شور))
منه ای زاهید، ا گر وئرمه سه لر سئوگیلیمی
نه گرکدیر منه جنّتده کی قیلمان ایله حور؟!
باغلامیشدیر منی، واحد، او پری زولفو ایله
ایندی بیلدیم کی، نئجه داره چکیلمیش منصور!