منو
بیر یانه سن، بیر یانه من!
اولموشام، ای گول، جمالین شمعینه پروانه من
عشق ترکین قئلمارام اود ایچره یانه ـ یانه من
چوخ خیالِ زولف ایله مجنون اولانلار گؤرموشم
گؤرمه‌دیم عالمده اؤز کؤنلوم کیمی دیوانه من
غمزه پیکانین دریغ ائتمه دلِ عشاقدان
سینه می قیللام هدف اول ناوکِ مشگانه من
بیلمه‌دیم بیگانه لر، ای گول، نه سئحر ائتمیش سنه
دوشموشه م گؤزدن، یانیندا،اولموشام بیگانه من
شیشه تک سینمیش، ائشیدیم، خاطرین مندن، گولوم
سؤیله دیم، گزمه رقیبیمله، سنه ارک یا نه من
یارایله اولسام ا گر بیر گوشهٔ ویرانه ده
کافرم، وئرسم بو بزمی روضهٔ رضوانه من
کؤنلومو سن زولف ایله، من آهیمیله سئو گیلیم
دارتیریق دیوانه تک بیر یانه سن، بیر یانه من
نازنین، گول اوزلو، جانانلاردیر عشقین لذتی
نئیله ییم، بس گلمه ییم بولبول کیمی افغانه من
دل گشا مه پاره‌لر زولفوندن آلسام کؤنلومو
وئرمرم، واحد، او گولدن باشقا بیر جانانه من