منو
مست و مدهوش و خراباتی و بی باک اولالیم
نئجه بیر وسوسۀ عقل ایله غمناک اولالیم،
گلین آلایش غمدن چیخالیم، پاک اولالیم،
نشاء مئی بولالیم، قابل ادراک اولالیم.
مست و مدهوش و خراباتی و بی‌باک اولالیم.
رندلر بزمینه سرمست سبو تک گیریبن،
ذوق باغینه گیریب، جام گلونی دریبن،
مئیه دئرلرسه بها عقل متاعین، وئریبن،
مست و مدهوش و خراباتی و بی‌باک اولالیم.
پای‌بست مئی صافی اولالیم درد مثال،
وئره‌لیم ساقییه جان، ائیله‌یه‌لیم کسب حلال
نشئه‌دن بیلمه‌یه‌لیم عالم کیفیت حال،
مست و مدهوش و خراباتی و بی‌باک اولالیم.
مئی حبابی کیمی میخانه دیر بیر ائو توتوبان،
عقد انگور کیمی بیر آرایا باش چاتوبان،
آلسالار، دین ایله ایمانی شرابه ساتوبان،
مست و مدهوش و خراباتی و بی‌باک اولالیم.
باده‌دن غیر کی، غم دفعینه بیر جام یئتر،
نقدینی نسیه‌یه هر کیم وئره‌جک اولسا ایتر،
ای فضولی، روش اهل ریادن نه بیتر؟
مست و مدهوش و خراباتی و بی‌باک اولالیم.