دئدین، ای خضر، بنزر یار لعلی آب حیوانه

مبدل قیلماغا صبح وصاله شام هجرانی،
منیم آهیم آلیبدیر صبح وشام و چرخ دامانی.
گؤزوم یاشیله همرنگ اولدیغنچون کشف رازیندا،
باخرکن باغریما، دوشدی گؤزومدن باغریمین قانی.
دل پرخونمودور سینمده، یا اول قاشلاری یایین
چکیلمیش ناوکی، جسمیمده قالمیش قانلی پیکانی؟
اوزون گؤرمک تمناسینده ام، امّا بودور مشکل
کی، دم دوشدیکجه آچدیرماز منه گؤز اشک طغیانی.
دئدین، ای خضر، بنزر یار لعلی آب حیوانه،
بو تعظیم ایله توپراقدان گؤتوردون آب حیوانی.
نثار خاک پایین لایقی بیر گوهر ایستردیم،
قامو گؤزدن کئچیردیم قطره قطره اشک غلطانی.
فضولی نین یئتر عشقینه انکارایله، ای گردون!
گواه حال یئتمزمی سنه فریاد و افغانی؟