چیخدی جان، کیمسه یه اظهار ائده بیلمم دردیم

گئتدی الدن سنمین سنبل مشک افشانی،
یئنه دور ائتدی پریشان من سرگردانی.
اؤیله معتاد اولوبام آتش هجرانینا کیم،
گؤرمه سم یاندیرار، البته، منی هجرانی.
گؤگده آهیم یئلی سؤندوردی چراغین گونشین،
یئرده اشکیم آیاغا سالدی دُر غلطانی.
گؤز بیاضینه چکر لعل لرین صورتینی،
دمبدم خامۀ مژگان ایله باغریم قانی.
چیخدی جان، کیمسه یه اظهار ائده بیلمم دردیم،
نه دیم، آه، بو دردین نه اولور درمانی؟
ای ستم داشینی بیدردلره ضایع ائدن!
یاپا گؤر بیر نئچه داش ایله دل ویرانی.
وئرسه جان، یئتمه سه جانانه، فضولی، نه عجب
هر کیشی کیم، سئور اؤز جانی ایچون جانانی.