منو
هانسی چمنین قوخوسودور گلدی دماغ
ای سرو سهی، سن گله لی سئیرایله باغه،
باش چکمه‌دی ار- ار،
چوخ عالی نسب لر اؤزونی سالدی ایاغه،
قول بولدو صنوبر.
سنبل اؤزونی زلفونه بنزتدی نگارین
بیلدی کی، خطا دیر،
داغلاردا بیتر اوزوی قارا، باشی آشاغه،
قایغولو، مکدّر.
زلفون باریدان کؤنلومه سئودا یئلی اسدی،
ریحانمودی بیلمن؟
هانسی چمنین قوخوسودور گلدی دماغه،
جان اولدی معطر؟
سن تک پری نین منزلی ویرانه گرک دیر،
یا چشمه‌لر اوستی،
کؤنلوم کیمی ویرانه و گؤزومدو بولاغه،
قون ای پری پیکر!
شول حالون ایچون زلفونه چوخلار دولاشیبدور،
آنجاق منی سانما.
بیر دانه ایچون گؤر نئچه قوش دوشدی دوزاغه،
دام اولدی مسخر.
بیر جام شراب ایستدیم، ای ساقی، الیندن،
سرخوشمودو بیلمن؟
چشمین منی اؤلدورمگه یاپیشدی بیچاغه،
چکدی مانا خنجر.
دنیاده فضولی نین گؤزی آغلاییب اؤتسه،
یوزون هوسیندن،
رحمت یاغیشی تورپاغی نین اوستونه یاغه
قبری اولا انور.
***
چون کیم گؤزومه گلمه‌دی هرگز خیال خواب،
ساقی، گتیر پیاله و، دولدور شراب ناب.
فرستدورور بو گئجه گلین، ایچلیم می،
شمع ایله مطرب و من و ساقی مشک ناب.
مأمور دوت نشاط ایله جان مسکه نین مدام،
نئچه نئچه بو دهر ائدر خانه‌لر خراب.
زراق زاهدین ایچلیم قانینی صبوح،
محروم صوفی نین قیلالیم باغرینی کباب.
هرگز زمانه کیمسه یی خوشنود قیلمادی،
هر فکر ناموافق و هر فعل ناثواب.
ضایع کئچیرمه فرصتینی، آغلا هر نفس،
بو عمرو نازنین چو بیلیرسن، قیلیر شتاب.
گل ای حریف، شیمدی نصیحت قبول قیل،
جور ائیله‌مه فضولییه حاجت دئگیل عتاب.