منو
ماه محرم اولدی شفقدن چیخیب هلال
مرثیه در حق خامس آل ابا حضرت سیّد الشهدا
ماه محرم اولدی شفقدن چیخیب هلال،
قیلمیش عزا تؤکوب یوزه خون بیرله اشک آل.
اولاد مصطفی یه مدد قیلمامیش فرات،
کئچیرمسین می یئرلره آنی بو انفعال.
چوخدور حکایت الم شاه کربلا،
البته چوخ حکایت اولور موجب ملال.
عبرتله باخ، غم شهدا شرحین ائتمه یه
هر سبزه کربلاده آچیب دیر زبان حال.
تجدید ماتم شهدا قیلدی روزگار،
زار آغلا، ای کؤنول، بوگون اولدیقجا احتمال.
میدان چرخی جیلوگه دود آه قیل،
گردون دونی گونۀ ماتم سیاه قیل.
ماه محرم اولدی، مسرت حرام دیر،
ماتم بوگون شریعته بیر احترام دیر.
تجدید ماتم شهدا نفع سیز دئگیل،
غفل تسرای دهرده تنبیه عامدیر.
غوغای کربلا خبرین سهل سانما کیم،
نغز وفای دهره دلیل تمام دیر.
هر ذره اشک کیم، تؤکولور ذکر آل ایله،
سیارۀ سپهر علو مقام دیر.
هر مدد آه کیم، چکیلیر اهل بیت ایچون،
مفتاح روضۀ در دارالسلام دیر.
شاد اولماسین بو واقعه ده شاد اولان کؤنول،
بیر دم بلا و غصه دن آزاد اولان کؤنول.
تدبیر قطل آل ابا قیلدین، ای فلک،
فکر غلط، خیال خطا قیلدین، ای فلک.
برق سحاب حادثه دن تیغ لر چکیب،
بیر بیر هوالۀ شهدا قیلدین، ای فلک.
عصمت حرمسراسینه حرمت روا ایکن،
پامال خصم بی سر و پا قیلدین، ای فلک.
صحرای کربلاده اولان تشنه لب لره
ریگ روانی سیل بلا قیلدین، ای فلک.
تخفیف قدر شرع دن اندیشه قیلمادین،
اولاد مصطفی یه جفا قیلدین، ای فلک.
بیر رحم قیلمادین جگری قان اولانلارا،
قربتده روزگاری پریشان اولانلارا.
باسدیقدا کربلایه قدم شاه کربلا،
اولدی نشان تیر ستم شاه کربلا.
دشمن اوخونا غیر سپر گؤرمه‌ییب روا،
یاخمیشدی جانه داغ الم شاه کربلا.
دود دل پرآتشی اهل نظاره دن
ائتمیشدی پرده دار حرم شاه کربلا.
اولدوقجا عمر و راحت دل گؤرمه‌ییب دمی،
اولموش همیشه همدم غم شاه کربلا.
اعدا مقابلینده چکنده صف سپاه،
قیلمیشدی مدد آهی الم شاه کربلا.
یا شاه کربلا، نه روا بونجا غم سنه،
درد دمادام و الم دمبدم سنه.
ای دردپرور الم کربلا حسین،
وی کربلا بلالرینه مبتلا حسین.
غم پاره پاره باغرینی یاندیردی داغیله،
ای لالۀ هدیقی آل ابا حسین.
تیغ جفا ایله بدنین اولدی چاک چاک،
ای بوستان سبزۀ تیغ جفا حسین.
یاخدی وجودونو غم ظلمت سرای دهر،
ای شمع بزم بارگه کبریا حسین.
دور فلک ایچیردی سنه کاسه کاسه قان،
ای تشنۀ حرارت برق بلا حسین.
یاد ائت، فضولی، آل ابا حالین، ائیله آه
کیم، برق آهیله یاخیلیر خرمن گناه.