کؤنلوم آسوده ایدی درددن، هم درماندان

نئجه خوش گونلر ایدی بیلمز ایدیم یاخشی، یامان،
یار غمی چکمز ایدیم، قورخماز ایدیم دوشماندان.
عشق سئوداسینه، عاشق لییه بیگانه ایدیم،
کؤنلوم آسوده ایدی درددن، هم درماندان،
اولمامیشدی گؤزومون پرده سی قانلا رنگین،
اورییمده یوخ ایدی خار او گول خنداندان.
دیمه‌میشدی گؤزومه صورت عشق آینه ده،
چیخمامیشدی اوزه حسنون گؤزه لی پنهاندان.
هله پابند دئیلدیم حرم عشقیده من،
غفلت آزاد ائله‌میشدی منی اول زنداندان.

منیم آسایشیمه غبطه ایله باخدی فلک،
بو جهانه گتیریب، درد اودونا یاخدی فلک.