دردیم آرتدی، اورییمده غم و محنت آرتدی

کؤنلومین مشکلونو آچمادی غربتده هامان،
یادا سالدیقجا اونی غملریم ائتدی طغیان.
آغلادیم، صبریمی گؤز یاشیم آخیب وئردی سئله،
آهیمین بادینه گئتمکده ایدی تاب و توان.
دردیم آرتدی، اورییمده غم و محنت آرتدی،
قیلمادی ترک منی حسرت وصل جانان،
غربت ائلده باشیما دوشدی وطن سئوداسی،
قالمادی صبردن آواره بو کؤنلومده نشان.
وطنه چاتدیم، اونون کویینه اولدیم عازم،
جانیما اود وران او دلبره باخدیم پنهان.

گؤردوم آرتیق گلونه خار دییب، ائتمیش خوار،
گل سولوبدور، یابانی اوتلا دولوبدور گلزار.