منو
هانی یوردلار، هانی ائللر، هانی یار؟
قار اریدی، آخار سولار نیلله ندی
چای چمنده اؤجوک-بؤجوک دیلله ندی
باغ باخچادا یئنه بادام گولله ندی
هانی یوردلار، هانی ائللر، هانی یار؟
کیم آلنینا قارا یازی یازاندی؟
آز عؤمرومده قارا گونلر اوزاندی
بورا قوربت، نه لاله شامقازان´دی
هانی یوردلار، هانی ائللر، هانی یار؟
گون قیزاردی٬ سولار اولدو زرنیگار
داشدان-داشا چالدی بیزی روزیگار
یاغیش یاغدی، یئنه گلدی ایلک باهار
هانی یوردلار، هانی ائللر، هانی یار؟
ایللر بویو بیزه حؤکوم سوردو فارس
اسیر اولدوق٬ توی دویونلر اولدو یاس
بویونداکی زنجیرلری باسدی پاس
هانی یوردلار، هانی ائللر، هانی یار؟
هانکی اوجاق گئچدی؟ هانکی اودلاندی؟
شئعیر غزل دفترلری توزلاندی
دئمک اینسان حوقوقلاری یالاندی
هانی یوردلار، هانی ائللر، هانی یار؟
قار اریدی٬ سئل سولاری آتلاندی
دلی کؤنلوم هر دردلره قاتلاندی
یازیق جیسمیم ایینه لره ساپلاندی
هانی یوردلار، هانی ائللر، هانی یار؟