حبیبی

حبیبی ۱۰-جو هیجری عصرده یاشامیش آذربایجان شاعیریدیر، او مشهور آذربايجان شاعيري، بؤيوک فوضولينين اوستادلاريندان ساييلیر. حبیبینین اصل آدی منبعلرده گلمه‌میشدیر. روايته گؤره اوشاقليقدا چوبانليق ائتميش حبيبي تصادوف نتيجه‌سينده گنج ياشلاريندان آغقويونلو حؤکمداري سولطان یعقوب سارايينا گتيريلميشدير. سونرالار شاه ايسماييل ختايینين ساراييندا بؤيوک نوفوذ قازانميش، حتّي ملک الشعرا اولموشدور. چالديران ساواشیندان سونرا عؤمرونو تورکيه‌ده کئچيرميشدير. منبعلرده تورکيه‌يه گئتمه‌سينين سببلري باره‌ده دقيق معلومات يوخدور. صنعتکارليغي ايله فوضوليني بئله حئيران ائدن شاعيرين ديواني دؤوروموزه‌دک گليب چاتماميشدير. ادبي ايرثيندن يالنيز 50-يه قدر شعري (قصيده، غزل، مسدس، توحيد، قطعه و ساير) معلومدور. شعرلرينده اينسان لياقتيني، معنوي گؤزلليگي، محبتي ترنّوم ائتميشدير. حبيبينين ياراديجيليغي آذربايجان شعرينه (شاه اسماعیل خطایی، فضولي و باشقالاري)، عوموميتله، تورک ديللي ادبیاتا گوجلو تاثير گؤسترميشدير. شعرلرينين ديلي اکثر حاللاردا خالق ايفاده طرزينه ياخين و ساده‌دير. حبیبی نین مزاری، استانبولدا یئرلشیبدیر.