پرتؤوی-حۆسنی-جمالین عالمی پۆرنور ائدر،
احسنی-وجهی-خیالین آدمی مسرور ائدر.
لعلی-جانبخشین اگرچی مۆرده جیسمه جان وئریر،
چئشمی-بیمارین، نیگارا، جانلاری رنجور ائدار.
کیلکی-قۆدرت آلنینا چۆن فضلی-بسماللّه یازار،
یعنی رحمان صورتین شئیطانی گؤزدن دور ائدر.
عینی-فتّانینلا قاشین، زۆلفین، ائی مهرو صنم،
نئچه عیزّت اهلینی پامال ائدوبن خار ائدر.
غم دئگیل، خئیلی-خیالین یؽخسا، ائی شه، جان ائوین،
چۆنکی حۆسنون گنجی-عشقونله آنی مأمور ائدر.
روخلرین شمعینه جان پرواز ائدوب پروانهوش،
یاندیغینجا ساچلارین اول میسکینی مهجور ائدر.
مۆنشییی-قۆدرت یازار چۆن دفترینین صورتین،
خطّی-تؤوقیعونو اول دم ریقعهیی-منشور ائدر.
حۆسنونون تقویمینی چۆن باغلار احسن وجهیله،
خطّو خالینین رۆقومی ابجدین مستور ائدر.
نقشینی پرگارینین نقّاشی-صورت یازاجاق،
آب و رنگین رسم ایچینده بۆت گیبی مستور ائدر.
لعل و لؤلؤنون حبیبی نظم ائدهجک مدحینی،
ائشیدن دئر بو مسیحادیر کی، نفخی-صور ائدر.