لحظهدن نشئت آلیر دستان اولور ایللره سؤز
آددیم آردیندا دالیر یول سالا منزللره سؤز
داملا دریاایله گردکده گؤرهن یوخ دئمیرم
دیللهنه یئل دوداغی فاش اولا ساحللره سؤز
اوشونوردوم گؤروشم بللهنه بیمایهلیگیم
چکدی آخیر اَل ایاق تیترگی محفللره سؤز
بو سینیخ قلبیمه رحم ائت منی دیسکیندیرمه
چیپچالانسا جالانار عشق دوشر دیللره سؤز
باخیشیمدان باش آلیر شکر اؤپور سس یاناغین
یازیرام شکر اولور شعر چاتیر ائللره سؤز
سحر آشفته دئیشله صله اووجون دیلهمه
دلی دیللهنمه یئتر طعنهلی عاقیللره سؤز