یول وئرین یار یوردونا هجران چؤلوندن گلمیشم
بیر دنیز مجنونیام نیسگیل گؤلوندن گلمیشم
قلبیم ایستیر گؤزلریمدن یول سالا یار یوردونا
باش جنون فیضیله ایستیر اوز قویا دار یوردونا
عشقه یورد اولموش جانیمدا دؤزمگه یئر قالماییب
بویلانیر جان جسم ایچیندهن یئتسین ایلقار یوردونا
قورتاریب تورپاق بویاقلی قایدالاردان قامتیم
یول توتوب روحوم بدندن چاتسین اسرار یوردونا
یول وئرین یار یوردونا هجران چؤلوندن گلمیشم
بیر دنیز مجنونیام نیسگیل گؤلوندن گلمیشم
اولموشام جان خستهسی جانانین آختارماقدایام
درده چولغانمیش غمین درمانین آختارماقدایام
چاتمیشام گیزلین دیلک جان چیگنینه یوللانمیشام
بیرجانیم وار مسلخ قربانین آختارماقدایام
من دلی، منطق اوشاق، سایسیز دیلکلر داش کیمین
قصد جولان ائتمیشیک میدانین آختارماقدایام