منو
تضمین
اگر چکسم سؤزه آلقانلی دستانی آغام جانی
گئینسم پرده پرده رنگ طوفانی آغام جانی
دئسم الفاظ آرا، یئرلشمه‌ین آنی آغام جانی
«پریشان ائیله‌سم زلف پریشانی آغام جانی
پریشان ائیلرم مجموع دونیانی آغام جانی
امین عشق اولان دیوانه، درمانیندان ال چکسین
بو درده نائل اولموش، اؤزگه دامانیندان ال چکسین
باخیش غسل ائیله‌سین یاشدا، اورک قانیندان ال چکسین
«خیال وصلیمه هر کیم دوشه جانیندان ال چکسین
بو سئودایه دوشن ترک ائیله‌سین جانی آغام جانی»
زیبا خانم لعلی‌نین غزلینه تضمین
فلک ایستیردی فیرلانسین خطا گئتسین عتابیله
الو آهیله دیلله‌ندیم جواب آلدیم شرابیله
منم وارلیق‌دا یوخلوق تک دعای مستجابیله
اگر طورا تجّلا ائیله‌سم بو آب و تابیله
شعاع رویوم ائیلر محو دنیانی آغام جانی»
سنین آددیم ایزیندیر داش دؤشونده لؤلؤ لالا
سالاندا یول آدین دیلدن جان ایچره روح اولور والا
دئیر هر کس دولور سندن اَن‌الحق‌له اَن‌الاعلا
«آدیم زیبا سؤزوم شیرین شکر‌دیر گؤزلریم شهلا
فراموش ائیله‌ییب حسنوم زلیخانی آغام جانی
گونش تک داشلانیر عشقیم یانیر شوق دمادم‌ده
سئویم تک پایلانیر سئودا پاییم محدوده غم‌ده
سحر آیدینلاشارکن سیغماییر تصویری شبنم‌ده
سنین تک عاشقه معشوق یوخ لعلی بو عالم‌ده
بوتون عاشقلری عشقین ائدیب فانی آغام جانی
گئینسم پرده پرده رنگ طوفانی آغام جانی
دئسم الفاظ آرا، یئرلشمه‌ین آنی آغام جانی
«پریشان ائیله‌سم زلف پریشانی آغام جانی
پریشان ائیلرم مجموع دونیانی آغام جانی
امین عشق اولان دیوانه، درمانیندان ال چکسین
بو درده نائل اولموش، اؤزگه دامانیندان ال چکسین
باخیش غسل ائیله‌سین یاشدا، اورک قانیندان ال چکسین
«خیال وصلیمه هر کیم دوشه جانیندان ال چکسین
بو سئودایه دوشن ترک ائیله‌سین جانی آغام جانی»
زیبا خانم لعلی‌نین غزلینه تضمین
فلک ایستیردی فیرلانسین خطا گئتسین عتابیله
الو آهیله دیلله‌ندیم جواب آلدیم شرابیله
منم وارلیق‌دا یوخلوق تک دعای مستجابیله
اگر طورا تجّلا ائیله‌سم بو آب و تابیله
شعاع رویوم ائیلر محو دنیانی آغام جانی»
سنین آددیم ایزیندیر داش دؤشونده لؤلؤ لالا
سالاندا یول آدین دیلدن جان ایچره روح اولور والا
دئیر هر کس دولور سندن اَن‌الحق‌له اَن‌الاعلا
«آدیم زیبا سؤزوم شیرین شکر‌دیر گؤزلریم شهلا
فراموش ائیله‌ییب حسنوم زلیخانی آغام جانی
گونش تک داشلانیر عشقیم یانیر شوق دمادم‌ده
سئویم تک پایلانیر سئودا پاییم محدوده غم‌ده
سحر آیدینلاشارکن سیغماییر تصویری شبنم‌ده
سنین تک عاشقه معشوق یوخ لعلی بو عالم‌ده
بوتون عاشقلری عشقین ائدیب فانی آغام جانی