سسین…

سسین داشلاندی می شکلینده ازه‌م آقتاب اولدی
گونش گولدی، سئویم باشلاندی عالم کامیاب اولدی
قالانمیشدیر اورک‌ده لایه-لایه آیریلیق دردی
گؤروش‌دن بیرخیال اومدوم، بوتون غملر حساب اولدی
فلقده نرگسین شبنم سووارمیش گؤزلرین گؤردوم
خمار گؤزده نه گؤردوم بیلمیرم، بختیم خراب اولدی»
باش آلدی عشق حسنیندن توتا عالم‌ده بیر مأوا
منیم عالملره سیغماز وجودوم انتخاب اولدی
اگرچی بیتدی عۆمروم، وصلینه ال چاتماق اولماز‌میش
قرار وصله آلداندیم قراریم اضطراب اولدی
بلا ایستیردی یازسین ادّعای وصل ائدنلرچون
منیم کؤنلوم واراقلاندی بلالرچون کتاب اولدی
باخارکن گؤرکمیندن کونلومو آلچاق حساب ائتمه
سحر کؤنلو نده عشقین بسله‌نرکن، آفتاب اولدی