گوردو منیم حالیمی

گوردو منیم حالیمی چون گلستان
باغری یانیب گول لری اولدی خزان
ابر منیم حالیمه قان اغلادی
رعد خروش ائیله دی چکدی فغان
برق چالیب باشینی داشدان داشا
خون جگر ائیلدی گوزدن روان
مهر طلوع ائتمگه پئشمان اولوب
شرم دئدیب دیده دن اولدی روان
درد دلم تیره قیلیب عالمی
شاه حبش شامه چو ویردی عنان
ثابت سیاره ده راس ذنب
برج کواکب همه اولدی عیان
داخل اولوب مجلس احبابه من
جمعدی گوردوم همه پیر و جوان
عاشق و معشوق همه جابجا
بیر – بیرینه مونس و هم مهربان
یوخدی اولار ایچره منیم دلبریم
شمعه فغان ائیلدیم
ای کی یانان من کیمی هجر اودونا
چاره ندور بو غمه ائیله بیان
ائتدی کی ای عاشق شوریده حال
صبر ایله فریاده یئتر ذوالجلال