(ظارافاتیانا)
گؤزللر، سؤیلهیین بو نئجه ایشدی،
قیمتی شؤهرته آدا وئردینیز؟
کدری یاخینین اۆستونه آتیب،
سئوینجی آپاریب یادا وئردینیز؟
هر ساختا گۆلوشه، هر یالان سؤزه،
آلدانیب دۆشدونوز دولاشیق ایشه.
سونرالار مؤحنتله گلیب اۆز-اۆزه
عؤمرو کؤزه توتوب، اودا وئردینیز.
بوزا دؤندو قلم، بوزاردی کاغیذ،
آرخامی قؽش کسدی، قارشیمی پاییز.
یۆزونوز بیر شاعیر یاراتمادینیز،
بیرینیز یۆز شاعیر بادا وئردینیز...