بیلمهدیم، اویدوم شو مجنون کؤنلومون فریادینه،
عشقه دیل وئردیم، بلادن باشقا بیر شئی گؤرمهدیم.
روح-مجروهوم گؤزللردن وفا بکلر یئنه،
بن هنوز اصلا جفادن باشقا بیر شئی گؤرمهدیم.
گؤرمهدیم اصلا دیکنسیز گۆل، قارانلیقسیز ایشیق،
هپ ویصالی دایما تعقیب ائدر بیر آیریلیق،
سؤیلیورلار: «دایم ذئوق-سعادت وار»، یازیق!
سئیر ائدیب بوش ایدعادن باشقا بیر شئی گؤرمهدیم.
گؤردوگوم هر مۆضطریب سیمایه دویدوم مرحمت،
یاره، هم اغیاره یار اولدوم دا، سئودیم بیجهت؛
آشینا ظنّ ائتدیگیم هر یۆزده هئیهات!.. عاقیبت
بوش تملّوقدن، ریادن باشقا بیر شئی گؤرمهدیم.
هر محبّت بیر خیانت، هر گۆلوش بیر حیلهدیر.
هر سعادت رۆحو اوخشار پک سؤنوک بیر شؤعلهدیر.
بلکه وار سهویم؟ فقط گؤردوکلریم هپ بؤیلهدیر...
گؤرمهدیم، اصلا بلادن باشقا بیر شئی گؤرمهدیم.