منو
ورملی قؽز
ساری گۆل! ای شیکسته، سولغون نور!
نیچین آلوده‌ی-خیال اولدون؟!
چشم-نازینده باشقا رمز اوقونور،
سؤیله، بیر سؤیله، سن نیچین سولدون؟!
دۆشونوب دورما بؤیله اینجه، درین؛
اینجه‌لیک، یا درینلیک آفتدیر.
نئرده اوّلکی تاتلی جیلوه‌لرین؟
بو نه حالت، ناسیل قیافتدیر!؟
بن دیلردیم کی، ج‍ۆمله زۆوّارین
سانا همشیره‌ی-صفا دئیه‌لر!
نیچین آغلار نیگاه-بیمارین،
سنی قوینوندا بسله‌میش‌می کدر؟!
آه... بیلمم نه سِحر وار سنده،
کؤنول آنجاق سنینله نشئه بولور.
سن ملکسین، تورّوم ائتسن ده،
یئنه روحوم سنین اسیرین اولور.
نیچین آلوده‌ی-خیال اولدون؟!
چشم-نازینده باشقا رمز اوقونور،
سؤیله، بیر سؤیله، سن نیچین سولدون؟!
دۆشونوب دورما بؤیله اینجه، درین؛
اینجه‌لیک، یا درینلیک آفتدیر.
نئرده اوّلکی تاتلی جیلوه‌لرین؟
بو نه حالت، ناسیل قیافتدیر!؟
بن دیلردیم کی، ج‍ۆمله زۆوّارین
سانا همشیره‌ی-صفا دئیه‌لر!
نیچین آغلار نیگاه-بیمارین،
سنی قوینوندا بسله‌میش‌می کدر؟!
آه... بیلمم نه سِحر وار سنده،
کؤنول آنجاق سنینله نشئه بولور.
سن ملکسین، تورّوم ائتسن ده،
یئنه روحوم سنین اسیرین اولور.