منو
دنیز پری‌سی
هر طرف نشئه‌دار، هر یئر شن...
یئنه هر شئیده بیر طراوت وار.
گۆنشین جیلوه‌ی-لطیفیندن
وجده گلمکده نئوعروس-باهار.
دنیزین صفحه‌ی-سما رنگی
یئنه الماس‌پاره‌لر ساچییور.
چؽرپینان روح ایچین اوقور سانکی
هر کیچیک دالغا بیر نشیده‌ی-نور.
پنبه شمسیّه‌سیله بیر دیلبر،
ایشته ساحیل بویونجا ساللاناراق،
سۆزولن پنبه بیر قاییقدا یۆزر،
بیر ملکدیر کی، خوابگاه-شفق...
ماییس اوقشار دا گۆل یاناقلارینی،
باییلیر، مست-ذئوق اولوب تیترر.
گاه اؤپر مؤحتریص دوداقلارینی
اندلیبانه تاتلی زۆمزومه‌لر.
آه... بیلمم بو حۆسن-خوش‌الحان،
هانکی قلبین شۆکوفته قؤنچه‌سیدیر؟
بو ملک قیز، بو نور-خوش‌جریان
عاجابا، بیر دنیز پری‌سیمیدیر!؟
یئنه هر شئیده بیر طراوت وار.
گۆنشین جیلوه‌ی-لطیفیندن
وجده گلمکده نئوعروس-باهار.
دنیزین صفحه‌ی-سما رنگی
یئنه الماس‌پاره‌لر ساچییور.
چؽرپینان روح ایچین اوقور سانکی
هر کیچیک دالغا بیر نشیده‌ی-نور.
پنبه شمسیّه‌سیله بیر دیلبر،
ایشته ساحیل بویونجا ساللاناراق،
سۆزولن پنبه بیر قاییقدا یۆزر،
بیر ملکدیر کی، خوابگاه-شفق...
ماییس اوقشار دا گۆل یاناقلارینی،
باییلیر، مست-ذئوق اولوب تیترر.
گاه اؤپر مؤحتریص دوداقلارینی
اندلیبانه تاتلی زۆمزومه‌لر.
آه... بیلمم بو حۆسن-خوش‌الحان،
هانکی قلبین شۆکوفته قؤنچه‌سیدیر؟
بو ملک قیز، بو نور-خوش‌جریان
عاجابا، بیر دنیز پری‌سیمیدیر!؟