سئوینمه، گۆلمه، قوزوم!

سئوینمه، گۆلمه، قوزوم، کیمسه‌نین فلاکتینه‌؛
بو حال، اوت، ائیی بیر شئی دئییل، سئوینمه، ساقین!
سئوینمه باشقاسی‌نین حال-پۆرسفالتینه،
توقونما قلبینه بی‌کسلرین، زاواللیلارین.

اینان کی، بیر آجی سؤز، بیر باقیش، بیر اینجه گۆلوش
کدرلی، سؽتمالی بیر قلبی تؽرمالار، یارالار.
او قلب آوونسا دا، آلدانما، اینجینیب کۆسموش،
ساغالماز ایشته او، یؽللار کئچر ده هپ سؽزلار.

توقونما، روحوم! اوت، کینلیدیر فلک، بیر گۆن
قؽزار، همن گۆجنیب اینتیقام آلیر سندن.
بو گۆن گۆلن یارین آغلار، ساقین اؤیونمه، دۆشون!
دۆشون ده مونیس اول! اینجیتمه، قؽرما کیمسه‌یی سن!..