سئویملی، نشئهلی، دؤرد-بئش یاشیندا بیر ساریشین،
ملک باخیشلی، گؤزل بیر قؽز ایشته اوینایاراق
قوشاردی باغچادا... بیر شئی گؤروب ده ائتدی ماراق:
— افندیم، آننهجیگیم! شؤیله ساچدیغین نه؟
— ساقین،
قوزوم، آیاقلاما! بونلار چیچک توخوملاریدیر.
سنینچین ایشته بیر آز سونرا پنبه، ماوی، ساری
گؤزل چیچکلر آچار هپسی؛ آنلادینمی؟
— خاییر،
خاییر من اونلاری سئومم؛ منیمکی پک آیری،
بو یاندا، باخ بو کیچیک یئرده آیری اولمالیدیر.
— پکی، ملک چوجوغوم، هر توخومدان آل دا بیر آز،
بَیندیگین یئره ساچ... کندین ایشته قؤنچهی-ناز!..
چوجوقجیغاز گۆلهرک هپ بیرر-بیرر آییریر؛
بو چوخ گؤزل، بو ناسیل؟ — دئر، ساچاردی هپسیندن،
او ایمدی بیر کلهبک... هوپلاییر سئوینجیندن.
بو وقعهدن آزاجیق بیر زامان کئچیب گئتدی...
گۆلومسهمکده ایکن شمس، او نوعروسی باهار،
تبسّوم ائتمگه اۆز توتدو بۆسبوتون ازهار،
ساریب دا باغچایی هپ رنگه، نورا غرق ائتدی.
فقط او نازلی ملک نئرده؟!.
— ایمدی یاپیالینیز،
درین بیر اویقویا دالمیش مزار ایچینده او قؽز!