منو
صنما، اۆزون گۆلون‌دن گۆله-گۆله گۆل اوتاندی
صنما، اۆزون گۆلون‌دن گۆله-گۆله گۆل اوتاندی،
خجیل ائیله‌دی دوداغین شکری، ناباتی، قندی.
قارا قاشلارین یایین‌دان مانا کیرپیک اوخون آتار،
آلا گؤزلرین مگر کیم، یئنه قانیما سوساندی.
ستم ائتمک ایله حاشا کی، کؤنول اوسانا سن‌دن،
کیمه آیداییم کی، آنین ستمین‌ده جان اوساندی.
گؤزونو دۆزوب سۆزرسن، دیلو جانا قصد ائدرسن،
بو ندیر کی، سن قؽلیرسان، چلبیم، بگیم، افندی؟
نه باهایا قیمت ائتسم سنی، ائی شیکاری-دؤولت
کی، جهان متاعی دیمز قؽلینا ساچین کمندی.
دۆنو گۆن ایکی گؤزوم‌دن آخیدیر انار دانه،
جیگریم قانیله گؤر کیم، بو یۆزوم نه خوش بویاندی.
قارا سۆنبولون نیقابی کی، حجابی دۆشموش آیا،
گؤتور، ائی صنم، اۆزون‌دن کی، نسیمی اودا یاندی.