عزالدین حسن اوغلو

آذربایجان تورکجه‌سی شیوه‌سینده گونوموزه‌دک گلیب چیخابیلن ان قدیم ادبی اثری یارادان، ۷-جی هیجری عصرده یاشامیش، صوفی شاعیر عزالدین حسن اوغلو اولوبدور. تورکجه و فاسجا اثرلریندن بیر پاراسی الیمیزه چاتان حسن اوغلو، اوزوندن نسیللر سونراکی تورک دیللی شاعیرلره بویوک تاثیر قویموشدور. اونون اثرلرینین باش موضوعسو سئوگیدیر. حسن اوغلونون یارادیجیلیغیندا عیرفان سئوگیسی ایله اینسانلارا بسلنن سئوگینی آییرماق اولمور.