بالام

سالیب منی غم و عشقین بیر اوزگه حالا، بالام،
گؤزونله گؤرمه یه سن گلمه زم خیاله، بالام.

تامام خلق ائدر کعبۀ خدایه سجود،
اییبدی قبلۀ قاشین منی شیماله، بالام.

سیه پوش اولوبان دیل قالیبدی زولفونده،
یقین کمینه یاتیب عاریضینده خاله، بالام.

شیکایت غم هیجرینی بیر به بیر ائدرم،
یئتیشسه بیر ده الیم دامن وصاله، بالام.

کؤنولدو چشمۀ زاری له ناتوانین آخان،
اونو جؤورین اریدیب دؤندریب زولاله، بالام.

پونهان باخماغیندا گئنه بیر فتنه میلی وار،
هئچ آشنا دگیل بانا بیگانه، بالام.