منو
گولیستان سنسیز!
منه بدتردی دوزخدن، عزیزیم، گولیستان سنسیز!
اولور هر سونبول سوسن گؤزومده بیر تیکان سنسیز!
وفاسیز دهر دون ایچره اگر شکر غذام اولسا،
اولور زهر هلاهیل، طوطی شیرین زبان سنسیز!
سبب نه الدو کی، مندن مهر کسدین، مهربان بولبول!
اولوب قمری کیمی کو- کو یئنی ویرد زبان سنسیز!
خوش اول گونلر کی، نسلیندن ائدردیم کام دیل حاصل،
اولونجا مبتلا هیجره، چیخایدی کاش جان سنسیز!
الف تک سرو قددین، جان ایچینده گئتدی، غمخواریم،
نئجه آرام توتسون، بیلمه زم، جسم ایچره جان سنسیز؟
حصار کؤنلومه سنگ ملامت چرخدن یئتدی،
رباط کؤهنه دیر، مدّ نظرده خانمان سنسیز!
چیخار صوبح و مسا افلاکه دود شعلۀ آهیم،
زبان حالیمه گریان اولور کرّوبیان (ملک لر) سنسیز!
نظر قیل، غنچۀ لاله مثال بیر بیری اوستن،
چکیلمیش سینه مه، گؤر کیم، نئجه داغ نهان سنسیز!