چۆن جمالین پرتؤو-صبح-کرامتدور مانا
چۆن جمالین پرتؤو-صبح-کرامتدور مانا،
بیر نفس کیم، گؤرمزم شام-قیامتدور مانا.
سندن آیرو کیم، دیری قالدیم آنونچون دمبهدم،
دیشلهییب آغزیمدا انگوشت-ندامتدور مانا.
سانما کیم، یاغان دولودور هر باهار افلاکدن
کیم، زمانه یاغدیریب؛ سنگ-ملامتدور مانا.
گؤزلرون دؤورینده، یارب کیم، زوالی بولماسین
گوشهی-مئیخانه کیم، جای-ایقامتدور مانا.
من ملامت کویینین اووباشییم، ای کیشوری،
آدی بدنام ائیلهین ریند و سلامتدور مانا.