سندن آیرو یۆز غم و درد و ملامتدیر مانا
سندن آیرو یۆز غم و درد و ملامتدیر مانا،
نه خوشام، نه ناخوشام، بیلمم نه حالتدور مانا.
هیجرومه قاتلان دئیینجه، تیغی چک اؤلدور منی،
حق ریضاسیچون کی، بو عین-عدالتدور مانا.
مۆلک-هستی ایچره نه حاصیل مانا بازار-گرم،
ایمدی کیم، کوی-عدم ساری حوالتدور مانا.
عشقدن کئچ دئر مانا ایدراکسیز زاهید، ولی
بیلمز آنی کیم، بو بیر عئیب-جهالتدور مانا.
یار گؤندرمیش بیتیک کیم، کیشورینی اؤلدورون،
خوشدیلم کیم، بیر نیشان-ایستیعمالتدور مانا.