ای پری لب، دئمه حق بیر پاره جان وئرمیش سانا
ای پری لب، دئمه حق بیر پاره جان وئرمیش سانا،
چئشمهی-حئیوان دئییب، شکل-دهان وئرمیش سانا.
کاریگاه-آفرینیش ایچره گویا دست-صۆنع،
ریشتهی-جان بیرله پئیوند-میان وئرمیش سانا.
قؽلدی قوربان کیرپیگون ناوکلریلن کؤنلومو،
اول کی چاتماقاشیدن ایکی کمان وئرمیش سانا.
عاریضین باغی سو ایچر چئشمهی-خورشیددن
دئمه عاریض کیم، بئهیشت-جاویدان وئرمیش سانا.
اول کیم آخیتدی گؤزیندن ارغوانی یاشلار،
طۆرّهی-شۆمشاد و رنگ-ارغوان وئرمیش سانا.
کیشورینی قؽلما نؤومید، ای گؤزللر شاهی کیم،
چوخدان اول بیچاره اۆمّیدیله جان وئرمیش سانا.