نه خوشدی بیر صنم-مهجمال ایلن یاشاماق،
همیشه عیزّت و جاه و جلال ایلن یاشاماق.
فراق دردینه بیر چاره ائیلهیین، یاران،
ماحالدیر گئجه-گۆندوز بو حال ایلن یاشاماق.
اۆمید-وصل ایله خوش ساخلا خاطیرین، عاشیق،
فراقه چاره ائدهممز ملال ایلن یاشاماق.
فقیه مدرسه هرگیز یئمزدی مال-حرام،
اگر مۆیسّر اولایدی حلال ایلن یاشاماق.
باهار-عؤمرو کئچیبدیر بیزیم تۆکزبانین،
دۆشوب خیالیمه بیر نونهال ایلن یاشاماق.
اسیر-شهوت اولوب، عقلین ائیلهمه زایل،
سنه یاراشماز، عمو جان، مارال ایلن یاشاماق!
جاوان اۆچوندو دف و نای و مجلیس-عیشرت،
قوجایه عئیبدی زورنا-قاوال ایلن یاشاماق.
جلال-سلطنت آلداتماسین سنی، ای قؽز،
اؤلوم کیمی آجیدیر آغساقال ایلن یاشاماق.
دئدیم: اوتور دیزیم اۆسته، ایا، نیگار-جاوان
کی، خوشدو معجز-شیرینمقال ایلن یاشاماق.
دئدی: چکیل او یانه، سۆرتمه ساققالین اۆزومه،
منیم ایشیم دگی جنگ و جیدال ایلن یاشاماق.