منو
بیلمه‌دیم
بنده‌نی عفو ائیله‌یه میلّت گرک،
معبده مئیخانه دئدیم، بیلمه‌دیم،
باشینی دیواره ووروب، سؽندیران
عاقیله-دیوانه دئدیم، بیلمه‌دیم.
من نه بیلیم قارغا خوش‌آواز ایمیش؟
بایقوشا بایقوش دئمک اولمازمیش!
تلخ ایدی اؤوقات-شریفیم بیر آز
بایقوش او حئیوانه دئدیم، بیلمه‌دیم.
گؤردو فیلان‌کس یوخودا بیر گئجه
قول بویون اولموش یاتیری حور ایله.
سرخوش ایدیم شیره‌ی-انگور ایله،
اویقویا-افسانه دئدیم، بیلمه‌دیم.
بؽغ و سققل صؤحبتین الدن سالین،
ائیله‌مه‌یین ذمّ او قؽزیل دیشلری،
عصریمیزه لازیم اولان ایشلری
اؤیردین اوغلانه دئدیم، بیلمه‌دیم.
دۆشمن-دین گؤیده گزیر قوش کیمی،
معبدی ویران ائده‌جکدیر، اییل!
کس سسووی، باشووا بیر چاره قؽل،
قاری-قرآنه دئدیم، بیلمه‌دیم.
گؤرجک الینده قزئته جعفرین،
رنگی پوزولدو، صؽریغی کورلادی،
غئیظه گلیب بومب کیمی پاتلادی،
آغزینا قورخانه دئدیم، بیلمه‌دیم.
ویزری، وبالی، گۆنهی بوینوما،
مشدی، جانیم وئر پولونو آجلارا!
پئیکری عۆریانلارا، مؤحتاجلارا
گئتمه خوراسانه - دئدیم، بیلمه‌دیم.
حاجی داداش، سالما اؤزون زحمته،
وئر او پولو میلّت-بی‌دؤولته،
کافر اگر بورج وئره بو میلّته،
بند اولار ایرانه دئدیم، بیلمه‌دیم.
اویموش عجب غفلته قارداشلاریم،
چورتا گئدیب، صبح و مسا یوخلایار.
من ائله بیلدیم کی، او سیر ساخلایار،
سیرّیمی قلیانه-دئدیم، بیلمه‌دیم.
آتدی الین قائمه‌ی-خنجره؛
دوردو بئش-اون ووردو من-مۆضطرّه.
من ائله بیلدیم کی، او سؤز یاخشیدیر،
یاتما مۆسلمانه دئدیم، بیلمه‌دیم.
اون ایکی ایل آغلامیشیق مۆتّصیل،
بو گۆنو بایرامدی، گلین بیر گۆلک.
بنده‌ی-بی‌تجروبه‌ی-کم‌عقیل
بو سؤزو نادانه دئدیم،بیلمه‌دیم.
دوستا دئیر دوست خطیّاتینی
کی، ائده ایصلاح عۆیوباتینی،
دین و وطن دۆشمنی ظنّ ائیله‌دیم،
مؤعجوزه بیگانه دئدیم، بیلمه‌دیم.
معبده مئیخانه دئدیم، بیلمه‌دیم،
باشینی دیواره ووروب، سؽندیران
عاقیله-دیوانه دئدیم، بیلمه‌دیم.
من نه بیلیم قارغا خوش‌آواز ایمیش؟
بایقوشا بایقوش دئمک اولمازمیش!
تلخ ایدی اؤوقات-شریفیم بیر آز
بایقوش او حئیوانه دئدیم، بیلمه‌دیم.
گؤردو فیلان‌کس یوخودا بیر گئجه
قول بویون اولموش یاتیری حور ایله.
سرخوش ایدیم شیره‌ی-انگور ایله،
اویقویا-افسانه دئدیم، بیلمه‌دیم.
بؽغ و سققل صؤحبتین الدن سالین،
ائیله‌مه‌یین ذمّ او قؽزیل دیشلری،
عصریمیزه لازیم اولان ایشلری
اؤیردین اوغلانه دئدیم، بیلمه‌دیم.
دۆشمن-دین گؤیده گزیر قوش کیمی،
معبدی ویران ائده‌جکدیر، اییل!
کس سسووی، باشووا بیر چاره قؽل،
قاری-قرآنه دئدیم، بیلمه‌دیم.
گؤرجک الینده قزئته جعفرین،
رنگی پوزولدو، صؽریغی کورلادی،
غئیظه گلیب بومب کیمی پاتلادی،
آغزینا قورخانه دئدیم، بیلمه‌دیم.
ویزری، وبالی، گۆنهی بوینوما،
مشدی، جانیم وئر پولونو آجلارا!
پئیکری عۆریانلارا، مؤحتاجلارا
گئتمه خوراسانه - دئدیم، بیلمه‌دیم.
حاجی داداش، سالما اؤزون زحمته،
وئر او پولو میلّت-بی‌دؤولته،
کافر اگر بورج وئره بو میلّته،
بند اولار ایرانه دئدیم، بیلمه‌دیم.
اویموش عجب غفلته قارداشلاریم،
چورتا گئدیب، صبح و مسا یوخلایار.
من ائله بیلدیم کی، او سیر ساخلایار،
سیرّیمی قلیانه-دئدیم، بیلمه‌دیم.
آتدی الین قائمه‌ی-خنجره؛
دوردو بئش-اون ووردو من-مۆضطرّه.
من ائله بیلدیم کی، او سؤز یاخشیدیر،
یاتما مۆسلمانه دئدیم، بیلمه‌دیم.
اون ایکی ایل آغلامیشیق مۆتّصیل،
بو گۆنو بایرامدی، گلین بیر گۆلک.
بنده‌ی-بی‌تجروبه‌ی-کم‌عقیل
بو سؤزو نادانه دئدیم،بیلمه‌دیم.
دوستا دئیر دوست خطیّاتینی
کی، ائده ایصلاح عۆیوباتینی،
دین و وطن دۆشمنی ظنّ ائیله‌دیم،
مؤعجوزه بیگانه دئدیم، بیلمه‌دیم.