منو
میلّت
چالیندی صور-ایسرافیل و بیدار اولدو هر میلّت،
آییلمیر خواب-غفلتدن هله بو بی‌خبر میلّت.
طیلوع ائتدی گۆنش مغریبدن، اهل-شرق غافیلدیر،
آپاردی فئیض نور-شمعدن اول بختور میلّت،
نیجوم-جهل بی‌نور ائیله‌دی علم و هۆنر نورین،
فضای-غربده بیرلشدی خورشید و قمر، میلّت.
داغیلدی پنبه‌ی-منقوش تک اؤوهام-ایستامبول،
جهالت مرکزی چؤکدو، یئر اولدو آیری یئر، میلّت!
قیامت قوپدو، یاهو، کؤهنه دۆنیا تارومار اولدو.
قورولدو تازه عالم، آچ گؤزون، ائیله نظر، میلّت!
او هانسی علمدیر-علمی کی، ایجاد ائتدی تئلفونی،
سوروش هر یئردن ایسترسن، سنه وئرسین خبر، میلّت،
او علمین قۆّه‌سیله خلق اولوندو چاپ ماشینی،
باسار ساعتده اؤوراق اۆستونه مین جۆر اثر، میلّت.
او هانسی علمدیر - علمی کی، تسخیر ائتدی افلاکی،
نه خوشدور مرکب-بالون ایله سئیر و سفر، میلّت.
او علمی کی، چیراغ-برق ایله ظۆلمات-دۆنیانی
مۆنوّر قؽلدی، رؤوشن اولدو شب، میثل-سحر، میلّت.
او علمی کی، حدیده وئردی جان، حمل ائتدی اثقالی،
خیلاص اولدو مشقّتدن بشر، هم گاو و خر، میلّت.
هامان علمی کی، گلدی نیطقه آهن‌پاره اینسان تک،
قولاق وئر، گؤر نه خوش سسلر گلیر، خونین‌جیگر میلّت.
او هانسی علمدیر - علمی کی، یاردی، سینه‌ی-خاکی،
چؽخارتدی معدن-نفت و ذوغال و سیم و زر، میلّت.
او علمی کی، گزر اینسان بالیق تک قعر-دریاده،
او علمی کی، کئچر بحر-مۆحیطی بی‌خطر، میلّت.
طناب-علم ایله بئش یۆز کۆرور هیندوسیتان اهلین،
نئجه گؤر باغلاییبدیر قول-قولا بیر مۆختصر، میلّت[1].
او علمی کی، چوغوندور ریشه‌سی تبدیل اولور قنده،
مگر زنبیل ایله گؤیدن انر چای و شکر، میلّت؟
حرام ائتدی سیزه تحصیل-علمی عالیم-جاهیل،
بینای-علمی یؽخدی، ائیله‌دی زیر و زبر، میلّت.
جهالت ائیله‌دی ایرانی ویران، میلّتی فعله،
نئچون مظلومدور، یارب، بیزیم بو دربه‌در میلّت!
بو آه و واه دایم یئرده یاتماز، خاکریز اولماز،
کسر مظلومون آهی گئج، ولی کارلی کسر، میلّت!
آییل، ای یادیگار-بهمن و شاپور و کئیخوسروو،
آییل، ای واریث-نوشیروان-دادگر میلّت!
عمود-علمله از کلله‌سین جهلین، جهاد ائیله،
جهالت خصم-جاندیر، مار-افعیدن بئتر، میلّت!
تأسوف بی‌ثمردیر، چۆن کئچن-کئچدی، کؤچن-کؤچدو،
آییل، بوندان سورا قویما کئچه عؤمرون هدر، میلّت!
اۆمیدین کسمه، مأيوس اولما ایستیقبال-میلّتدن،
تامام ائیله سؤزون، معجز، آییلمیش بیر قدر میلّت!
[1]-اینگیلتره مۆستملکه‌چیلرینه ایشاره‌دیر.
آییلمیر خواب-غفلتدن هله بو بی‌خبر میلّت.
طیلوع ائتدی گۆنش مغریبدن، اهل-شرق غافیلدیر،
آپاردی فئیض نور-شمعدن اول بختور میلّت،
نیجوم-جهل بی‌نور ائیله‌دی علم و هۆنر نورین،
فضای-غربده بیرلشدی خورشید و قمر، میلّت.
داغیلدی پنبه‌ی-منقوش تک اؤوهام-ایستامبول،
جهالت مرکزی چؤکدو، یئر اولدو آیری یئر، میلّت!
قیامت قوپدو، یاهو، کؤهنه دۆنیا تارومار اولدو.
قورولدو تازه عالم، آچ گؤزون، ائیله نظر، میلّت!
او هانسی علمدیر-علمی کی، ایجاد ائتدی تئلفونی،
سوروش هر یئردن ایسترسن، سنه وئرسین خبر، میلّت،
او علمین قۆّه‌سیله خلق اولوندو چاپ ماشینی،
باسار ساعتده اؤوراق اۆستونه مین جۆر اثر، میلّت.
او هانسی علمدیر - علمی کی، تسخیر ائتدی افلاکی،
نه خوشدور مرکب-بالون ایله سئیر و سفر، میلّت.
او علمی کی، چیراغ-برق ایله ظۆلمات-دۆنیانی
مۆنوّر قؽلدی، رؤوشن اولدو شب، میثل-سحر، میلّت.
او علمی کی، حدیده وئردی جان، حمل ائتدی اثقالی،
خیلاص اولدو مشقّتدن بشر، هم گاو و خر، میلّت.
هامان علمی کی، گلدی نیطقه آهن‌پاره اینسان تک،
قولاق وئر، گؤر نه خوش سسلر گلیر، خونین‌جیگر میلّت.
او هانسی علمدیر - علمی کی، یاردی، سینه‌ی-خاکی،
چؽخارتدی معدن-نفت و ذوغال و سیم و زر، میلّت.
او علمی کی، گزر اینسان بالیق تک قعر-دریاده،
او علمی کی، کئچر بحر-مۆحیطی بی‌خطر، میلّت.
طناب-علم ایله بئش یۆز کۆرور هیندوسیتان اهلین،
نئجه گؤر باغلاییبدیر قول-قولا بیر مۆختصر، میلّت[1].
او علمی کی، چوغوندور ریشه‌سی تبدیل اولور قنده،
مگر زنبیل ایله گؤیدن انر چای و شکر، میلّت؟
حرام ائتدی سیزه تحصیل-علمی عالیم-جاهیل،
بینای-علمی یؽخدی، ائیله‌دی زیر و زبر، میلّت.
جهالت ائیله‌دی ایرانی ویران، میلّتی فعله،
نئچون مظلومدور، یارب، بیزیم بو دربه‌در میلّت!
بو آه و واه دایم یئرده یاتماز، خاکریز اولماز،
کسر مظلومون آهی گئج، ولی کارلی کسر، میلّت!
آییل، ای یادیگار-بهمن و شاپور و کئیخوسروو،
آییل، ای واریث-نوشیروان-دادگر میلّت!
عمود-علمله از کلله‌سین جهلین، جهاد ائیله،
جهالت خصم-جاندیر، مار-افعیدن بئتر، میلّت!
تأسوف بی‌ثمردیر، چۆن کئچن-کئچدی، کؤچن-کؤچدو،
آییل، بوندان سورا قویما کئچه عؤمرون هدر، میلّت!
اۆمیدین کسمه، مأيوس اولما ایستیقبال-میلّتدن،
تامام ائیله سؤزون، معجز، آییلمیش بیر قدر میلّت!
[1]-اینگیلتره مۆستملکه‌چیلرینه ایشاره‌دیر.