منو
غزل
همیشه قالماز، ای بۆلبول، قؽزیل گۆل بو لطافتده،
سولار بیر گۆن گۆلوستان، غرق اولارسان بحر-محنتده،
اسر باد-سیتم ناگه، خزان ائیلر گۆلوستانین،
سؽخار بیر گۆن فلک جانین، سنی قویماز او حالتده.
آ بۆلبول، میثل-پروانه دولانما کوی-جانانه،
دۆشرسن درد-هیجرانه، یانارسان نار فیرقتده.
چۆن اولدو عاشیق ایرانلی گۆل-رۆخسار-سمواره،
اودوزدو وار-یوخون یئکسر، قومارخانه‌ی-شهوتده.
یئتیردی عشق چۆن چایه، چیت و ماهوت و تیرمایه،
الیندن اوچدو سرمایه، دخی ایش قالمادی کتده.
ائله کی، گؤردو ایش یاشدی، مۆصیبت حدینی آشدی،
دابانلاری چکیب قاچدی دیار-جهل و غفلتده.
مۆشجّر چادیره اؤرتر، یل-مخمر گئیر باجی،
بیابانگرد اولار حاجی، گزر صحرای-غۆربتده.
گر اینه وئرمه‌یه کافر، قالار عۆریان مۆسلمانلار،
یاتین، ای جاهیل اینسانلار، دورون روز-قیامتده.
سولار بیر گۆن گۆلوستان، غرق اولارسان بحر-محنتده،
اسر باد-سیتم ناگه، خزان ائیلر گۆلوستانین،
سؽخار بیر گۆن فلک جانین، سنی قویماز او حالتده.
آ بۆلبول، میثل-پروانه دولانما کوی-جانانه،
دۆشرسن درد-هیجرانه، یانارسان نار فیرقتده.
چۆن اولدو عاشیق ایرانلی گۆل-رۆخسار-سمواره،
اودوزدو وار-یوخون یئکسر، قومارخانه‌ی-شهوتده.
یئتیردی عشق چۆن چایه، چیت و ماهوت و تیرمایه،
الیندن اوچدو سرمایه، دخی ایش قالمادی کتده.
ائله کی، گؤردو ایش یاشدی، مۆصیبت حدینی آشدی،
دابانلاری چکیب قاچدی دیار-جهل و غفلتده.
مۆشجّر چادیره اؤرتر، یل-مخمر گئیر باجی،
بیابانگرد اولار حاجی، گزر صحرای-غۆربتده.
گر اینه وئرمه‌یه کافر، قالار عۆریان مۆسلمانلار،
یاتین، ای جاهیل اینسانلار، دورون روز-قیامتده.