نئچون سنی سؤیرم، گئتمیشم کلیسایه،

دانیشما، زاهد، اگر سؤز ائشیتمدیم،-سنه نه؟
من اؤز خدامه گناه ائتدیم، ائتمدیم،-سنه نه؟
خدا بهشت برینی سنه وئریب،-منه نه؟
سنین گمانیما، من کامه یئتمدیم،-سنه نه؟
نئچون سنی سؤیرم، گئتمیشم کلیسایه،
دئییلدی کعبه نصیبیمده، گئتمدیم،-سنه نه؟
منه اگر دئدی لر: گل قیلاق دالیدا ناماز،
باخیب سلاحیما، بو امره بیتمدیم،-سنه نه؟
دئدین: من ائیله مرم، التفات دنیایه،
یئریتدیم اؤز سؤزومو، یا یئریتمدیم،-سنه نه؟