منو
بو نئجه ظۆلمدور منه ائیلرسن
بو نئجه ظۆلمدور منه ائیلرسن،
آدام مگر بیر اینصافا گلمزمی؟
بیر گۆن گؤررسن کی، والله، اؤلموشم
بو قدر درد چکن آخیر اؤلمزمی؟
خوبلارین بعضی‌سی نئجه زاد اولور،
یارین غمگین قویار، اؤزو شاد اولور.
بیر سئوگی کی، سئوگی‌سیندن یاد اولور،
مگر اونون یاخشیلیغین بیلمزمی؟
خوبلاردا عادتدیر، نزاکت ساتار،
گئنه خیالینی خیالا قاتار،
گؤزل اولان مگر باشین دیک توتار
عاشیقینه دوغرو هئچ اییلمزمی؟
عشق اودونا یاندی جانیم سربه‌سر،
الله‌ا باخ، ای ظالیم و سیتمگر،
عاشیقینه قانلار آغلادان دیلبر
رحمه گلیب گؤز یاشینی سیلمزمی؟
بیر پری اولایدی بو دمدن اؤترو،
اؤزون اؤلدوره‌یدی آدمدن اؤترو،
قدر بیلن یاخشی همدمدن اؤترو
واقیف، جان اۆزولور، بس اۆزولمزمی؟
آدام مگر بیر اینصافا گلمزمی؟
بیر گۆن گؤررسن کی، والله، اؤلموشم
بو قدر درد چکن آخیر اؤلمزمی؟
خوبلارین بعضی‌سی نئجه زاد اولور،
یارین غمگین قویار، اؤزو شاد اولور.
بیر سئوگی کی، سئوگی‌سیندن یاد اولور،
مگر اونون یاخشیلیغین بیلمزمی؟
خوبلاردا عادتدیر، نزاکت ساتار،
گئنه خیالینی خیالا قاتار،
گؤزل اولان مگر باشین دیک توتار
عاشیقینه دوغرو هئچ اییلمزمی؟
عشق اودونا یاندی جانیم سربه‌سر،
الله‌ا باخ، ای ظالیم و سیتمگر،
عاشیقینه قانلار آغلادان دیلبر
رحمه گلیب گؤز یاشینی سیلمزمی؟
بیر پری اولایدی بو دمدن اؤترو،
اؤزون اؤلدوره‌یدی آدمدن اؤترو،
قدر بیلن یاخشی همدمدن اؤترو
واقیف، جان اۆزولور، بس اۆزولمزمی؟