بیر گؤزل کی، شیرین اولا بینادان
بیر گؤزل کی، شیرین اولا بینادان،
یۆز ایل گئتسه اونون دادی اکسیلمز.
تزهلیگی، کؤهنهلیگی بیر اولور،
گؤهر تک قیمتده آدی اکسیلمز.
گؤزللیکدن دۆشمز هئچ اصیلزادا،
گۆنبهگون قامتی دؤنر شۆمشادا،
مهر و محبّتی اولور زیادا،
اعتیباری، اعتیقادی اکسیلمز.
نه قدر کی، یۆزه یئتیرسه یاشی،
تا کی، هکدن دۆشه، تیترهیه باشی،
گئنه جان آلماغا گؤزیله قاشی،
غمزهسینین هئچ جلّادی اکسیلمز.
جؤوهری پاک اولور تزه جاواندان،
هرگیز ال گؤتورمز شؤوکت و شاندان،
مۆژگان خدنگلرین کئچیریر جاندان،
پئیکانینین هئچ پولادی اکسیلمز.
واقیف، ایستر ایسن گؤرهسن لذّت،
گل سئو بیر درد بیلن، اهل-محبّت.
نؤوجاوانلار سئون هئچ اولماز راحت،
گئجه-گۆندوز هئچ فریادی اکسیلمز.