آغلا گؤزوم، آیریلیرسان جاناندان
آغلا گؤزوم، آیریلیرسان جاناندان،
هر کسی کی، گؤرسن، شیکایت ائیله!
اؤلدون گئتدین، بلکه یاری گؤرمهدین،
کعبهی-کویینی زیارت ائیله!
سن منیم جانانیم، روح-روانیم،
لبلری شیرینیم، قؤنچه دهانیم،
بیر ساعت گؤرمهسم، طوطی زبانیم،
قوپاجاق باشیما قیامت ائیله!
واقیف بیر شئیدادیر، دولانیر باغی،
خستهدیر، درمانی – دیلبر دوداغی.
او آلما یاناغی، بۆللور بوخاغی،
الله، بدنظردن سلامت ائیله!