منو
بیر اندامی نسرین، دوداغی قؤنچه
بیر اندامی نسرین، دوداغی قؤنچه،
بیر قامتی گۆلبون یارا عاشیقم.
اولسا یۆز اۆزو گۆل، گیرمز عینیمه،
من آنجاق بیر گۆل‌عوذارا عاشیقم.
گئجه‌لر صۆبحه‌دک ائیلرم ناله،
هرگیز دۆشمز کؤنلوم اؤزگه خیاله،
بیر گردنی مینا، آغزی پیاله،
بیر لهجه‌سی شیرین‌کارا عاشیقم.
بیر بوخاغی تورونج، سینه‌سی مئیدان،
بیر سؤزو جواهیر، میرواری دندان،
بیر مارال باخیشلی، کیرپیگی پئیکان،
بیر قاشلاری ذوالفقارا عاشیقم.
بیر گۆلنده لبلریندن بال آخان،
بیر بزَنیب سرخوش طوووس تک چؽخان،
بیر نیقاب آلتیندان پۆنهانی باخان،
بیر عجایب خوشگؤفتارا عاشیقم.
واقیفم، بدندن جانیم داغیلیر،
مجنون کیمی خانیمانیم داغیلیر،
گؤرمه‌ینده دین-ایمانیم داغیلیر؛
گئجه-گۆندوز من دیدارا عاشیقم.
بیر قامتی گۆلبون یارا عاشیقم.
اولسا یۆز اۆزو گۆل، گیرمز عینیمه،
من آنجاق بیر گۆل‌عوذارا عاشیقم.
گئجه‌لر صۆبحه‌دک ائیلرم ناله،
هرگیز دۆشمز کؤنلوم اؤزگه خیاله،
بیر گردنی مینا، آغزی پیاله،
بیر لهجه‌سی شیرین‌کارا عاشیقم.
بیر بوخاغی تورونج، سینه‌سی مئیدان،
بیر سؤزو جواهیر، میرواری دندان،
بیر مارال باخیشلی، کیرپیگی پئیکان،
بیر قاشلاری ذوالفقارا عاشیقم.
بیر گۆلنده لبلریندن بال آخان،
بیر بزَنیب سرخوش طوووس تک چؽخان،
بیر نیقاب آلتیندان پۆنهانی باخان،
بیر عجایب خوشگؤفتارا عاشیقم.
واقیفم، بدندن جانیم داغیلیر،
مجنون کیمی خانیمانیم داغیلیر،
گؤرمه‌ینده دین-ایمانیم داغیلیر؛
گئجه-گۆندوز من دیدارا عاشیقم.