منو
بنؤوشه تک عنبر زۆلفون بوی وئریر
بنؤوشه تک عنبر زۆلفون بوی وئریر،
هر یویوب سرنده هوایه، زینب!
اونون عطرین دیماغیمدان اۆزمه‌سین،
امانت ائت باد-صبایه، زینب!
قاشا وسمه، گؤزه سۆرمه چکنده،
سیاه زۆلفو دال گردنه تؤکنده،
ساللانیبان ککلیک کیمی سکنده،
اوخشارسان یاشیل‌باش سونایه، زینب!
سنی سئون چوخ بلایه توش اولور،
عقل گئدیر باشدان، فراموش اولور،
آوازین گلنده جان بیهوش اولور،
قوربانام او نازیک صدایه، زینب!
یاناغی لاله‌سن، قامتی دالسان،
آغزی شکر، دیلی، دوداغی بالسان،
ساناسان کی، یورغون، وحشی مارالسان،
اولوبسان یاراشیق اوبایه، زینب!
سنسن پادیشاهی، خانی واقیفین،
عقلی، هوشو، دین-ایمانی واقیفین،
حسرتیندن چؽخدی جانی واقیفین،
نولور کی، گله‌سن بورایه، زینب!
هر یویوب سرنده هوایه، زینب!
اونون عطرین دیماغیمدان اۆزمه‌سین،
امانت ائت باد-صبایه، زینب!
قاشا وسمه، گؤزه سۆرمه چکنده،
سیاه زۆلفو دال گردنه تؤکنده،
ساللانیبان ککلیک کیمی سکنده،
اوخشارسان یاشیل‌باش سونایه، زینب!
سنی سئون چوخ بلایه توش اولور،
عقل گئدیر باشدان، فراموش اولور،
آوازین گلنده جان بیهوش اولور،
قوربانام او نازیک صدایه، زینب!
یاناغی لاله‌سن، قامتی دالسان،
آغزی شکر، دیلی، دوداغی بالسان،
ساناسان کی، یورغون، وحشی مارالسان،
اولوبسان یاراشیق اوبایه، زینب!
سنسن پادیشاهی، خانی واقیفین،
عقلی، هوشو، دین-ایمانی واقیفین،
حسرتیندن چؽخدی جانی واقیفین،
نولور کی، گله‌سن بورایه، زینب!